أشكى لمين غيرك يسمعنى
م اللى ظلمنى و اللى خدعنى
و اللى كسرنى و اللى قهرنى
و اللى آمنته عليكى و باعنى
دنا ملَيت و القلب و جعنى
كل ده ليه
علشان كل الناس
تسمع له و يبقى كبير
اللى يدوس على حقى
و عرضى و حق ولادى
ده عنده ضمير
شايفه الخير و العز دا كلَه
شايفه الشجر الفارش ضلَه
وللا الورد و ريحته و فلَه
ف لمسة ايدى - بس دا عيبى
دنا من طيبتى - لأ من خيبتى
كنت عامل له الخد مداس
كنت بشوفه حنيَن طيب
كنت بحبه عشان حساس
مش هتكلَم بس هسيبه
مهما هيطمع مش هيفيده
بكره يسيب الدنيا ويرحل
و اللى يشيل هنقول دا نصيبه
ليست هناك تعليقات:
إرسال تعليق