** غصب عــــني ...** بقلم / الشاعر المبدع أحمد محمد مصطفى

★★★غصب عني ★★★
غصب عني عايش لاني مستني اكون هناك
فاكرين زمان كنت وانا صغير زي الملاك
اه والله ملاك
كان كل همي العب واجري واصحابي جنب مني
كانت ايام كلها سعاده
اه بعترف كان برده فيها شقاوه
شقاوه عيال بس كان فيها براءه وكمان حلاوه
وحلمت اني اكبر وكبرت شويه وكان في عينيه
حلم جميل
اني احمي بلدي من اي دخيل
او اي هم فيها انا اقدر اشيل
وفي اول حلم ليا لقيتها في طريق وانا في طريق
صرخت وقولت استني
ده انا حته منك وانتي حته مني
بصت وقالت حبك وحدك مش كفايه
بس مش دي النهايه قوم ودور علي البدايه
قوم وخلص علي الي نازلين تخريب فيا
وال ايه فاكرين ان هما الضحيه
ازاي انت الضحيه
وكل يوم بتستنزف دم وتشيل كل قلب ام هم
ازاي انت الضحيه
وانت في كل خطوه بتصدر الضعيف
ولم نقول ليه كده
تقول اصل بحب انام خفيف
ياشيخ يالطيف
ازاي انت الضحيه
وانت كل يوم بتفجر كل حته حلوه فيا
وترجع تقول بتحبني
ياشيخ اختشي وحنلي
ازاي انت الضحيه
وانت بتاجر بالفقير ومش فاهم انك حقير
ده اسمه كلام بتحلفلي وتوعدني بحجات اوهام
وبرده بقلبي بصدقك وبناديك
ده ربك حتي سخرني ليك
ودي اخر نصيحه هقولهالك
بالخير والحب تبقي اراضي الكون ارضك
وبالكرهه مش هتنول منها الا الي يساع جسمك
واديني قولتلك وبشوقك وبخاطرك
قوم ودور علي اصلك
ده انت خارج برده مني واخرك جوه في بطني
عرفت امتي النهايه وحبك وحدك مش كفايه
ده قلب علي قلب اكيد يخلي للظلم نهايه
خلاص عرفت غلطتي وهمشي في طريقي وسكتي
بس صدقيني كان غصب عني
لكن خلاص هلم الي مني
وهنروح هناك علي كل شبر
في ارضك ممكن يهزنا ونحميه بدمنا
ونعرف الكون كله
القوه في حب وترابط شعبنا

كلمات
احمد  محمد مصطفي