شحال بكيت يا مي على نفسي
من بعدك ما لقيت ليا حبيب
تودرت وتهت وشاب راسي
لا صدر حنين ولا وجدت قريب
فراحي رقدت ونعست انفاسي
ودايا زاد ما جبرت له اطبيب
ذبت وذاب بكري في كاسي
واليوم الوحش يلهب الهيب
ياخالق السماءوالارض والناس
يا من صورتني وانت المجيب
طغات اجراحي وطاحت اضراسي
من خطوب طوفانها جارف صعيب
مالقيت ميمتي نعاود لها احساسي
ونحط راسي في حجرها ونطيب
تخفف عليا بدعواتها ذيك لباسي
وذيك برنوسي به نسترالعيب
تهديت وجبالي عليا مراسي
وين نلقى من غيرك اليوم حبيب
***حضن الغالية***
بقلم طوقان الاثير ام حسام
ليست هناك تعليقات:
إرسال تعليق