** ... حسيت بحيـــــــاتك ....** بقلم / الشاعر طلعت العسيلي

حسيت بحياتك ؟

ألوان ألوان
و جمال فتان
بساتين و زهور
بتفوح منها
روايح و عطور
و فراش و طيور
على أشكالها
و على ألوانها
بتطير طيران
على أغصانها
بتميل ميﻻن
ﻻ هاممها مكان
و ﻻ حتى زمان
ﻻ شاغلها العقل
بكنا و كان
مع إنى جماد
مع إنى حوان
أنا أسعد منك يا إنسان
ربى خلقنى
و بيرزقنى
من نبت اﻷرض
و حب الزرع
ﻻ بفكر تيجى اللقمه منين
وﻻ إمتى و فين
حسيت بحياتك يا إنسان ؟
اﻷرض مداح
و الجو سراح
من غير باسبور
وﻻ إذن عبور
باقدر أعدى
واقدر أهدى
أهجر أوطان
و أزور أوطان
ﻻ معايا زادى
و ﻻ زوادى
وﻻ شايل تقل على كتافى
الخير موجود
و مالهوش حدود
و يكفى الخلق بإذن الله
لو كل الخلق بحق الله
أخدوا اللى يزيد
و سابو اللى يفيض
ﻻ مجاعه تكون
ﻻ لسود وﻻ بيض
بس اﻹنسان
جواه شيطان
خﻻه طمعان
من عهد قابيل
و شقيقه هابيل
لو كل الخلق يعيشوا فى وئام
ينهوا حروبهم و يعيشوا فى سﻻم
تبقى الدنيا
لجميع الخلق
ألوان ألوان
و جمال فتان ..... 

بقلم /

طلعت العسيلى