الليل عدى عليا
عايز فى الشعر أكتب
رومانسى كﻻم جميل
و يكون خيالى معايا
و الليل يكون طويل
و نجومه تبقى لولى
و قمره مستدير
و أكون قاعد لوحدى
و شعورى يكون فى وجدى
علشان يصفالى ذهنى
ساعتها هاقدر اكتب
رومانسى كﻻم جميل
علشان يوصل و يلمس
قلوب السهرانين
و أشوف قدود بترقص
للحب و الحنين
خﻻص حضرت قلمى
و بديت أكتب فى شعرى
على ورقه بيضه فوللى
يا ليل ساعدنى قولى
إمتى أبدأ كﻻمى
هاقوله و انا صاحى
وللا يجيلى فمنانى
الليل عدى عليا
و الوقت بيحرى بيا
مالحقتش أكتب فى شعرى
رومانسى كﻻم جميل .....
بقلم / طلعت العسيلى
ليست هناك تعليقات:
إرسال تعليق