ارسم لوَن جمَع كوَن
و اكتب اسمك عالكراس
خللى الواحد يصبح عشره
عشره بتجمع كل الناس
علَم نفسك اوعى تغش
خليك صادق ولا تكدبش
و اوعى تقرَب م اللى بيكدب
أحسن تبقى بستين و ش
ارسم أرض و فكَر فيها
ازاى تزرعها و تبنيها
امسك قلمك و ابدأ عملك
و اتعلَم عللى ف مبانيها
و متنساش ترسم لاهرام
و السد العالى ف أسوان
و حضارة لاقصر شايفينها
دا جدودنا اللى بنوها زمان
ارسم أرض و شمس بنورها
و بألوان زاهيه و خضَرها
و اوعاك تهمل وللا تكسَل
أحسن تتعوَد تهجرها
ليست هناك تعليقات:
إرسال تعليق